كلماتـ بدويهـ منـ السعوديهـ

كلمات بدوية من السعودية ([color=violet]بالتحديد الغربية رابغ)
خلال الثلاثة أيام الماضية وأنا أدور في البيت بالدفتر والقلم وكل ماشفت شي
اسأل وش كانوا بسمونه زمان..طفشت البيت كله وماسار احد يعطيني وجه ههههههه
(وجهي مغسول بمرق كل ماطردوني رجعت هههههه على نياتي أبي أتعلم) وجمعت لكم كم كلمةمن أمي ..واخوي جلسته غير اسأله عن عيال الحارة وش يقولون لأن حينا شعبي
وماخليت ولابقيت..وان شاء يعجبكم التقرير ترى متعوب عليه (يعني لازم تردون)****

مرحبا بكم والعشا من جرابكم=من عندكم (عبارة ترحيبية)
مقفا عن شانيكم=محد يكرهكم (للوداع)
أقول للأمي ماعندكم غير ذي الجملتين ما عطتني وجه خخ

بشتخته- خافة= محفظة أو بوك ( الكلمة الأولى سرقتها من جدتي) وكمان صرة

محنكة- شيلة = طرحة

القناع- مصون- بيرم=العباية (اشتغل عقلي هنا وتذكرت أنشودة بين الماضي والحاضر
وين البيرم وين الحنه والكحله يالله الجنة )

مصّر(للحريم) = شيلة حمراء

منقب = برقع (للبنات)

جرارة- خراطة (كذابة ههههه)- سحاب = سسته

تصابيع- مرقوق- رغيدة - عصيدة - الرديدة

(كلها أكلات شعبية بس لاتسألوني غير عن المرقوق هو الوحيد اللي اعرفه)

يجبد = يطلع الماء من البير (بكسر الباء)

الفضيّة = البير الصغيرة (يطلعون منها الماء بدون دلو)

قداحين = مواعين(قدور- صحون- طشوت)

مشرتح = صحن بدون أطراف

مجّمع = اللي يجمعون فيه الزبدة

عكّه=خاص بالسمن مصنوع من الجلد

السقا- الصميل = يحطون فيها اللبن

القربة (كبيرة)- البدرة(صغيرة) = يحطون فيها المويه

المغبة- الغبيبة = يحطون فيها اللبن ليما يروب

المعلق = سطل يحلبون فيه الغنم



سرّح الغنم= أرعى (مأخوذة من السرحة الصبح)

عشوا الغنم -دكوا الغنم- قيل الغنم - مد الغنم - ضح الغنم = أرعى وقت الظهر

اقرع الغنم = تعال قدامها وردها

تح للغنم = امش قدامها

عوصفة = مروحة بالسعف

منسفة = سفرة بالسعف

حنية – زربة =المكان اللي يحطون فيه الغنم

الربق = حبل يربطونها فيه

المدور = الحبل اللي يربطون فيه غنمه وحدة

مقهاه = زبدية يحطون فيها مويه القهوة والفناجين

اسأل أمي وش الأمراض اللي كانت تصيبهم زمان ..تقول ماكانو ا يمرضون بس تجيهم..
اللبطة- اللهدة = الزكمة على بالي شي خطير وفالنهاية زكمة

الجِلم= المقص (بكسر الجيم)

رفه = بيت المراوح اللي من السعف

معرى- قفة- زنبيل = سلة ينحط فيها التمر من السعف

جوال = يحطون فيها الحوت

بالرفيّق = بهدوء

فايه = يقولونها للشخص اللي ينسى كثير

وثّق = امسك زين

حدل = تعود عالشي

قوز - عقم= عرقوب

ماش = ماعنده سالفة

ماذّمره - مانيّره – مقلعه = مدر عنه

بٌصره = بكيفه أو براحته

قط = قد

متفلقح – منجضع= متمدد

منبطح = منسدح على بطنه


مكوّع =متكي

ذال=خايف

ضاري=متعود

ذي الكلمات من عند اخوي ..حست معاه أقوله انت دايم فالحارة مع العيال وش يقولون
وبالعله طلعت كم كلمة

افضخه –افقشه =اجرح راسه

ذاني=هذا

رقه = الحقه (بتشديد القاف)

كلجه- متنح =مخه مقفل (بتشديد الجيم)

مرق – قلط =دخل

تخطر = تعدى

ابيض عليك = إذا سوى الواحد شي غلط (كب القهوة –كسر كاسه –أي شي)يقولون له ذي الكلمة

خلصنا من اخوي..ورحت لأمي اجري فرحانه أقولها لقيت كلمات جديدة..وكانت معصبة
قالت لي تراك خنثورة =يعني كلامك كثير .. شفتوا الشاطرة لقطت ذي الكلمة وحطيتها هههه

الجهات
شام = شمال

حدر= يسار (غرب)

فرع = يمين (شرق)

يمن = الجنوب (كسر الياء)

لاوآبي = هذي حلفة اصلها (لاوابي)وهي حرام بس من يسمع يقولونها كبار السن (للنفي)

أي وآبي = للتأكيد

ياسيدي يا (اسم واحد من الأخوان)هذي مثل الاستغاثة يعني إذا طاح منك شي تقولها

يانصيبي على الله (في حال المصيبة)

عانه = شوفه

ابك - أذهنه = انتبه

أولا بدون التنوين(قبل شوي)

ازريت = تعبت

القابلة = بكرة

الابلة = بعد بكرة

المقبلة = بعد يومين

اوللّا أمس = قبل يومين (بتشديد اللام)

ليت الأول = قبل فترة اصلها (ليلة الأول)

الصايد = الجهة واصلها انجليزية (said)

غبشة = الصباح الباكر

سامط= مافيه ملح

زعق = ملحه كثير

عيا = مارضي

دقاقه = نحيف

جلاله = متين

بليّه = قليل

تورالي (يتورالي ) = اعتقد

تهقا = تعتقد

ماتت نارك = للتحطيم

عساك ماتثني = ماتجيب اثنين

مصري = منقى (يعني ماخوذ خيره)اقول هذا التمر مصري

رفله = ماتعرف شي (خبز خبزتيه يارفله اكليه)

اغد = أسرع (بكسر الغين)

مطرق = ضرب

سنة مسنون وسنة مجنون وسنة يجيب الماعون= مثل يقولونه للأطفال ..يعني أول سنة تطلع أسنانه

والسنة الثانية (يهقش) = يقوم ويطيح..والسنة الثالثة يقضي مشاويرك وين ماترسله يروح

محقّه = هذي لنفي الشي

سألت أمي زمان لما يتطيرون بشي وش يقولون ردت (محقه )التطير مانعرفه وعاد أنا الذكية لقطت الكلمة منها.

قسنّي(أصلها أقيس انه) = اظن أو اعتقد ان
أو( قيسنّي بنام)- (قيسنه راح السوق) – (قيسناها تذاكر)

دعيّه = بطاقة دعوة

الصحيّه = المستشفى

يستودمونبه =هذي اصلها عربية فصحى يعني (يضعون منه في الايدام)

ماحقه (بتشديد القاف ) =مااشوفه

ماأحي =مااسمع

ازرُقه =مر عليه فطريقك (بضم الراء وتشديد القاف)

ياحافظ ياعقيلة ربي =إذا ضيعت شي ولقيته

ابله = خبل

سقمان – وجعان = تعبان

عام الأول = العام الماضي

ضاطور = طويل مرة ([color:6d1c=red:6d1c]فلان ضاطور يعني ذا طول)

جحيد وعلم بعيد = للي ينكر الشي وهو مسويه







خلاص تعبت هذا اللي قدرت اجمعه..أمي تقولي انتبهي لايشيب راسك
من كثر الكلمات..لو جلستي عمرك كله تعددينا ماانتي محددتها ..



دمتم بود
تقرير
أمـــووووول

في كثير من الكلمات تشابه كلمات عندنا
انا اكتشفت كلمه غريبه سمعتها من خالتي
في العيد قلت اضيفها

زعرّه (بكسر الزاي والعين وتشديد الراء)= اتحداك تسوي كذا


بصراحه يااموول

متشكرين اموووول على هالمجموعه الطيبه من الكلمات

بس الي عرفت منهم ثلاث كلمات فقط هي الي يمكن معروفه عندنا

والباقي اضفتهم لمعلوماتي

الله يعطيك العافيه

مشكوووووووووووووووووره على الموضوع

اول مره اسمع الكلمات

مايخالف لكل منطقه لهجتها